قهوة الوحده الوطنيه

كان الاتفاق ان نتقابل بعد ان اصلى صلاة الجمعه
وبالفعل صليت الجمعه ثم ذهبت لاخذ سيارتى للتوجه الى محطة الرمل حيث اعتاد صديقى اليكسندر الجلوس على قهوة" المولخ "

وعند وصولى للقهوه لمحنى المعلم رجب صاحب القهوه

الذى اقترب منى مرحبا بى و معاتبا لى لطول الانقطاع
قائلا بروح الفكاهه التى يتمتع بها :لالا..كده ماينفعش
لو غيبت عننا تانى ها نسحب كارنيه العضويه منك..
فابتسمت له قائلا: لااااآا دا انا ما صدقت اخدت العضويه
..ثم سألته فين الباسمهندس كما يحلو له ان ينادى الكسندر
الذى غالبا ما يغلبه فى الطاوله..فرد قائلا: ادخل له جوه أحسن الشيخ احمد مبهدله فى الطاوله

فدخلت فوجدت اليكسندر منهمكا فى اللعب باعصابه مع شاب
فى اوائل الثلاثين- ملتحى-نحيف عرفته فيما بعد باسم الشيخ احمد!! وشاركهم الجلوس والمتابعه اصدقاء اخرين .. اكرم ومينا الذي ينتظر لاخذ تأره في اللعب من الشيخ احمد.. تابع الجميع دور الطاوله علي اعصاب مشدوده علق اكرم قائلا: الدور ده ها يخلص في امن الدوله...
ضحك الجميع وفجأه رن موبايل مينا.. فاذا به يتحدث بصوت مرتفع قائلا:مفيش حد جنبك؟؟ لحد ما اجي؟
وهنا سأله اكرم واليكسندر:فيه ايه؟فاجاب: واحدخبط عربيه مراتي قدام البيت... خرج مسرعا وخرج الاخران خلفه وبقيت مع الشيخ احمد حيث لا اعرف مينا جيدا ولم افضل التدخل فقد كان لقائنا الاول
تبادلت الحديث مع الشيخ احمد الذي ايضا اراه للمرة الاولي...عن العمل واشياء اخري..
واذا بالاصدقاء عائدون ثانيه.. قائلين لنا: الحمد لله بسيطه...سأل اكرم مداعبا الشيخ: الاصحيح مجتش ليه معانا يا شيخ احمد؟؟!! هي دي مش مصيبه برضه؟؟!
اجاب الشيخ: اصل انا مليش في المصايب..!!وبعدين انت ممكن تتضرب لكن انا مستحملش!! وبعديين انتوا ماتأخرتوش ولا حاجه..فأجاب اكرم قائلا:هو احنا كنا رايحين على بيات ولا ايه؟!!!
ضحك الجميع بشده واستكملوا اللعب فقال مينا متحديا الشيخ لو غلبت اليكسندر يا شيخ تربح قزازة بيره مشبره
ولا اقولك ها اعزمك في الكباريه...!اجاب الشيخ:كباريه!!فكرة والله ..اهو برضه نصلح الناس اللي هناك ...هناانفجر الجميع ضاحكين...