السبت، 30 أغسطس 2008

ارفع القبعة لهؤلاء


ونحن على اعتاب شهر كريم...اردت ان القى عليكم التحيه و اقول لكم جميعا كل عام و انتم بخير
و ان اتمنى لى و لكم فى هذا الشهر الكريم ... ختم القرآن و عفو الرحمن و دخول الجنان وعتق من النار
و اوجه تحيه من القلب لمن سبقونا باعمال ايجابيه و خيره...وأحيى و أرفع لهم القبعه
أحيى و أرفع القبعه
للبنت اللى مش خيخه و لا أى كلام ...على حمله التبرع بالدم
أحيى و ارفع القبعه
لقوس قزح و آبى.....على قيادتهم حملة بؤجة الخير
أحيى و أرفع القبعه
لجبهة التهييس{نوارة}..... لمساندتها ومتابعتها للمعتقلين والمتهمين في قضايا حرية الرأي
احي وارفع القبعة
لبنت القمر....لزيارتها غزاله بالمستشفى و حثها لنا على مساعدة ام الاطفال السبعه و تقديم كل البيانات اللازمه
أحيى و ارفع القبعه
لكل من شارك و ساعد هؤلاء للخروج بنتائج ايجابيه ..و كل من ساندهم و قلبه ملئ بالخير
وكل رمضان والجميع بخير

23 التعليقات:

Empress appy يقول...

كل سنه وحضرتك طيب
وبجد ده كتير علينا احنا معملناش حاجه الناس هى اللى عملت معانا وميرسى بجد لذوقك
وربنا يا رب يقدر الناس كلها على عمل الخير

Ahmed Kamal يقول...

أرفع القبعة معك لهم ، و لك أيضا لذكر هذه المبادرات الإيجابية ، مع العلم أني لا ألبس قبعة :)

كل عام و أنت بخير

بنت القمر يقول...

:)) متشنكرين يا باشا!!

يا مراكبي يقول...

وأنا معك أرفع القبعة .. فالزملاء الذين ذكرتهم هم فعلا أصحاب أفعال لا أقوال فحسب

غير معرف يقول...

هى بالفعل أعمال جليلة يستحق كل من شاركو فيها رفع القبعة

الأعمال الخيرة كثيرة والجايات اكثر من الرايحات

اطيب التمنيات بالشهر الكريم وتقبل الله مننا جميعا

محمد عبد الغفار يقول...

كل سنه وانت طيب

صباح الخير يا مصر يقول...

Appy
*****
كنت دائما وما زلتى نشيطه و سباقه فى ردود الفعل الايجابيه من جانبك
فالشكر ليس مجامله و لكنه احقاقا للحق

و..دمتى بكل خير

blackcairorose يقول...

وانت بالف خير وبضم صوتى مع صوتك يا عزيزى

صباح الخير يا مصر يقول...

احمد كمال
********
كنت من الناس التى ساندت وتفاعلت...وكل كلماتك التى كتبتها بمواضيعك التدوينيه تحمل الخير و تحرض عليه...بارك الله لك و فيكى
وكل عام و انت بخير

صباح الخير يا مصر يقول...

بنت القمر
**********
لم اشكرك للمجامله......و لكنه احقاقا للحق
من الجميل ان يطوع الانسان طاقته فى فعل الخير ..و بالذات لو كان حد فولته عالى مثل بنت القمر

وكل عام و انتى" طيبه"

صباح الخير يا مصر يقول...

يامراكبى
********
ده لانك من اصحاب الفضل فلا يعرف الفضل الا اصحاب الفضل...بس قوللى عندك قبعه و لا زى احمد كمال مابيلبسهاش اصلا (:

كل سنه و انت و الاسره الكريمه بخير

صباح الخير يا مصر يقول...

Sherif
*******
فعلا الجايات اكتر من الرايحات
فسيبقى الخير فى امة محمد صلى الله عليه و سلم الى يوم الدين

وكل عام و انت و الاسره الكريمه بخير

صباح الخير يا مصر يقول...

محمد عبد الغفار
**************
و انت بصحه و كل خير
و" اللهم تقبل منا رمضان"

صباح الخير يا مصر يقول...

blackcairorose
***************
و انتى بكل صحه و خير يا فندم و دايما يارب اصواتنا عاليه فى الخير و الحق

و..دمتى بكل خير

someone in life يقول...

صباح الخير يا مصر

كل سنه و حضرتك طيب و كل الخير لك و لعائلتك انشاء الله
اكيد شكرا لكل من قام بفعل خير و ياريت نقدر نساعد انا حاولت اشوف بؤجة الخير لكن للاسف مش عارفة اوصل لحد مع اني في حاجة لهذا
السادة المدونيين المسئولين لم استطع الوصول لهم لذا ايميلي موجود في البروفايل و انشاء الله اقدر اعمل حاجة

تحياتي

صباح الخير يا مصر يقول...

someone in life
==================
كل سنه وانتي بالصحه والسلامه بالنسبة لبؤجة الخيريمكن متابعتها مع
ابي

Jana يقول...

بما أنى لا أرتدى بدورى قبعة
سأكتفى بالدعاء لهم بأن يجزيهم الله خير الجزاء على نيتهم الصادقة وصالح أعمالهم

كل عام وحضرتك بخير والى الله أقرب
تقبل منك صالح العمل
ومن عليك بفضل شهره العظيم
ورزقك عتقه الكريم
وأدركك ليلة خيرا من ألف

صباح الخير يا مصر يقول...

Jana
******
وانتى بخير و صحه
اللهم تقبل منا صيامنا و قيامنا واجعلنا من عتقاءك من النار

اسعدنى مرورك

رفقة عمر يقول...

جزاك الله خيرا
كل سنه وحضرتك بالف خير
رمضان كريم
اعادة الله علينا وعلى الامه الاسلاميه بالخير واليمن والبركات

صباح الخير يا مصر يقول...

رفقة عمر
*********
و انتى بالف خير و صحه
اطيب التمنيات بالشهر الكريم

Mohamed Abdelgeleel يقول...

مركز ضحايا لحقوق الانسان بالاسكندرية يهيب بكل الناشطين والاعلاميين والصحفيين ولجان حقوق الانسان للمشاركة فى المؤتمر الصحفى الحاشد من وراء اغلاق مدرسة الجزيرة بالاسكندرية جريمة تشريد الف تلميذ بالاسكندرية باغلاق مدرستهم فى اول ايام الدراسة وذلك يوم الجمعة الموافق 19/9/2008 فى تمام الساعة التاسعة مساءا بنادى المحامين - كورنيش جليم - الاسكندرية

kochia يقول...

كل عام وانت بكل خير

اعاده الله بالخير والصحة والسعادة

تحياتي

عين فى الجنة يقول...

كل عام وحضرتط طيب ياباشمهندس
وانا زعلان منك عشان نسيت المجهود الجبار الذى اقوم به علشان ولادى ينبسطوا وعمرهم ما بينبسطوا:)))