الأحد، 20 يوليو 2008

دعوه لابداء الرأى



دعوه للمناقشه
الموضوع
: نظام التعليم بمصر
الحاضرون : كل من يهمه امر هذا البلد
نقاط البحث : هل التعليم فى مصر مجانى ام ان هذه المقوله اكذوبه لا اساس لها من الصحه ؟؟
برجاء الاجابه على هذا السؤال... و لو بنعم او لا



وبعد ذلك ستكون مدعوا لمناقشة الطرح المقترح لتغيير نظام التعليم فى البوست القادم انشاء الله بعد معرفة ارآئكم
نعم كلنا يمكننا ان نناقش و ندرس و نقترح....و اذا اقتنعنا يمكننا طرح الموضوع للمستويات الاعلى و متابعة الموضوع
لم لا.....دعونا نجرب الايجابيه او لنصمت الى الابد...

24 التعليقات:

bastokka طهقانة يقول...

هل التعليم فى مصر مجانى ام ان هذه المقوله اكذوبه لا اساس لها من الصحه


لا ليس مجاني و هي مقولة قديمة
لا اساس لها من الصحة

و لكن السؤال
هل هناك تعليم في مصر
؟؟

تحياتي

وجهة نظري يقول...

يعني في المدارس الحكوميه لغاية سادسه إبتدائي مجاني، وفي إعدادي أقرب إلي المجاني، إنما في ثانوي غالي جدا أقرب إلي المدارس الأمريكيه ... قد يصل بالدروس الخصوصيه في مرحلتي الثانويه العامه إلي 20000 جنيه في السنه الواحده إذا أراد الطالب الألتحاق بكليه عليها القيمه. إنما لو مش فارقه معاه وعايز يجيب لحد 60% مش لازم يدفع حاجه.

تعليم كتعليم، مفيش أساسا، دا تهريج وحشو دماغ العيال بمعلومات مالهاش قيمه في عصرنا دا، وأخرهم بيشووا دره علي الأرصفه.

منتظر البوست إلي جاي إنشاء الله.

محمد عبد الغفار يقول...

فى حاجه كده شبه التعليم وبفلوس كمان

عين فى الجنة يقول...

المنتج النهائى للعملية التعليمية الغير مجانية يؤكد ثلاث حقائق

1- العملية التعليمية يشوبها قصور فى فلسفة التعليم واسلوبه ، فهى تعتمد على تلقين الطلبة للعلوم عبر مدرسين غير اكفاء وكتب مدرسية جافة فى اتجاه واحد بدون تفاعل من جانب الطلبة فالنتيجة عدم خلق ثقافة علمية ومعرفية عند الطلبة
2- التعليم من جانب الطالب ووراءه اسرته هدفه الحصول على شهادة جامعية بأى تكاليف من اجل المكانة الاجتماعية والوجاهة ، ولهذا تحول التعليم المجانى المعلن الى تعليم مكلف جدا عن طريق الدروس الخصوصية
3- هدف التعليم من جانب الحكومة غير واضح المعالم هل هو لخدمة سوق العمل او لالهاء الشباب فى هذه المرحلة السنية فى اى شيء بعيد عن السياسة

اخيرا

موضوع جميل يستحق المناقشة

someone in life يقول...

صباح الخير

التعليم الحكومي المجاني منعدم و بدون فايدة و الدليل التسرب من المدارس و عدم كفاءة المتخرجين

المدرسين الأكفاء نادرين جدا و هذا بسبب عدم تطويرهم و الطلبه تعتمد على الدروس الخصوصيه

التعليم الاستثماري احيانا بينفع لكن اغلبية المدارس بتلجأ لتغشيش الطلبة من اجل رفع نتيجه المدرسة و الطالب مستواه التعليمي سئ لانه في العادة طفل مدلل غير قادر على تحمل مسئولية او استيعاب
المناهج غير مطوره و اثناء العام الدراسي يحذف ربع الكتاب تقريبا لعدم كفاية الوقت
يا ريت يكون وزير التعليم تربوي الاصل و متطور فكريا و زيادة ميزانية الوزارة لعل و عسي

اه بتوجع قلبنا لية المصاريف زادت اكثر من 2000 جنية

Empress appy يقول...

لا مبقاش مجانى كان زمان ومع التطور انتهى خلاص ودى حاج بيضحكوا بيها علينا

كراكيب يقول...

التعليم مجاني واللا لأ
طيب نحط ايدنا على التعليم الأول وبعدين نقول اذا كان مجاني واللا لأ
"خالد كساب" صحفي
بيقول على ان التعليم عامل زي قفص الطماطم البايظة
هو ده بالظبط تعليمنا
ولو هنتكلم في مجانيته او لا
فمن من المؤكد انه لا خالص ابدا نهائي
وإلا ماكانتش الاسر الفقيرة بتحرم ولادها من التعليم علشان فلوسه العالية الكتيرة
ولما نفتح بقنا ونقول ايه ده ماله التعليم غالي كدة ليه
يقولولنا بصوا على الجامعات والمدارس الخاصة وقارنوا واحكموا
مع ان ده ابدا مش مبرر ولا اصلا حجة ده بعيد عنك هبل
انا مالي ومال الكلام ده انا بتكلم في حق من حقوقي المفروض تبقى موجودة محدش يقولي بص واتفرج وقيم وبعدين يبقالك عين تتكلم

يوووووه انا لما بفتح في الحوارات دي مش بقفل
مممممممم انا هسكت بقى وانا كدة اكيد بينت ردي على الموضوع

وصباح الخير يا مصر

غير معرف يقول...

لن يختلف اثنان

كل البيوت تفلس لتعلم ابنائها .. يبقى فين المجانا؟

صباح الخير يا مصر يقول...

bastokka طهقانة
*****************
اولا اهلا و سهلا و نورتينى يافندم

طبعا عند حضرتك حق تستنكرى السؤال من اساسه....ليكون السؤال
هل هناك تعليم اساسا؟؟!!!

نورتينى يافندم

صباح الخير يا مصر يقول...

وجهة نظري
***********
اهلا و سهلا بك و اسعدتنى وجهة نظرك و لكن الايوجد حل ليكون التعليم مفيد لنا و للدوله
ارجو انشاء الله ان تكمل معنا المناقشات فى البوست القادم

نورتنى يافندم

صباح الخير يا مصر يقول...

محمد عبد الغفار
****************
فى حاجه كده شبه التعليم وبفلوس كمان
___________________________________

معك كل الحق...وده نتيجة انصاف الحلول و المسكنات الدائمه من الدوله حتى انها نسيت ماهي العله و ماهى حاجتنا للتعليم

يسعدنى مرورك دائما
اشكرك

رشا عبد الرازق يقول...

ما يسمى (التعليم) _ على سبيل التجهيل _

هو غير مجاني في مصر طبعاً

صباح الخير يا مصر يقول...

راجى
*****
تحليل حضرتك منطقى وواقعى وهذا ما يحدث فعلا و اخطرهم ان الدوله لا تعى اهمية التعليم و لا احتياجاتها لسوق العمل و كيفية الاستفاده من الموارد البشريه بدلا من انفاق الاموال لتحجيم الانجاب اللى هو اصلا متحجم لوحده بسبب الظروف الاقتصاديه الصعبه...ولكنها الشماعه التى يعلقون عليها فشلهم

رأيك على عينى يا استاذى العزيز

صباح الخير يا مصر يقول...

someone in life
*****************
فعلا المشكله لها اكثر من جانب و لكن الحكومه لا ترى جوانب القصور و تتعامل مع الموضوع زى كل المواضيع...اقتناعا منها ان المشكله فى الزياده السكانيه فقط و اهو هو ده المتاح و اللى مش عاجبه يتعلم فى مدارس خاصه

نورتينى يافندم و يارب تكونى بخير

صباح الخير يا مصر يقول...

appy
*******
كلامك مضبوط ...التعليم لم يعد مجانى
فالعمليه التعليميه لم تعد موجوده اصلا و الدروس الخصوصيه هى البديل الذى لا مفر منه
والنتيجه اننا بنضحك على بعض

نورتينى يافندم

يا مراكبي يقول...

مش مجاني طبعا .. ده بفرض إننا ممكن نطلق عليه كلمة تعليم أصلا زي ما طهقانة بتقول

Ahmed Kamal يقول...

مجانية التعليم .. أحب أقول لك بمناسبة 23 يوليو إنه مافيش مجانية و مافيش تعليم .

أحييك على طرح موضوعات جادة ، مع إن الخفيف هو اللي بيعوم على الوش :)

canary يقول...

ممكن يكون الجواب هههههههههه؟

صباح الخير يا مصر يقول...

كراكيب
*******
ولما نفتح بقنا ونقول ايه ده ماله التعليم غالي كدة ليه
يقولولنا بصوا على الجامعات والمدارس الخاصة وقارنوا واحكموا
مع ان ده ابدا مش مبرر ولا اصلا حجة ده بعيد عنك هبل
_______________
هو ده بيت القصيد اللى احنا عايزين نتكلم عنه فالحكومهبتعتبر انها بتعمل اللى عليها بدعم العمليه التعليميه دون النظر لنتائج المنتج

تحياتى

صباح الخير يا مصر يقول...

shrief
********
لن يختلف اثنان

كل البيوت تفلس لتعلم ابنائها .. يبقى فين المجانا؟
_____________________
مع حضرتك كل الحق ولكن الحكومه اكتفت بالمسكنات دون النظر لحقيقة المنتج التعليمى و اعتبرت انها تؤدى دورها وخلاص...و الحجه الجاهزه دائما الزياده السكانيه و اتسمت كل مواقف الحكومه انه لا يوجد موقف حقيقى

تحياتى لحضرتك و اسف لتأخرى للرد

صباح الخير يا مصر يقول...

رشا عبد الرازق
*******************
يعنى رأى حضرتك اننا بيتضحك علينا وانا اوافقك الرأى

اشكرك و نورتينى يا فندم

صباح الخير يا مصر يقول...

يامراكبى
*********
هو فى الحقيقه انا لا اتساءل فانا اعرف رأيكم مسبقا و هو زى ما حضرتك ذكرت فى عفويه و دون تفكير بعبارة (طبعا مش مجانى) و لكنى اردت التمهيد للموضوع و التمهيد للمناقشات القادمه و اللى اتمنى مشاركة حضراتكم فيها

نورتنى ياباشمهندس

صباح الخير يا مصر يقول...

أحمد كمال
*********
فعلا ياباشمهندس احمد ..الموضوع ثقيل ولكن كل ما اتمناه ان نصل سويا بالحوار و المناقشات القادمه الى شئ مفيد نستطيع ان نتبناه جميعا و ترتيب لقاء لكل المهتمين بالموضوع لبحث كيفيه تفعيله و طرحه..اذا اقتنعنا ويكون الطرح منا جميعا

تحياتى يافندم

صباح الخير يا مصر يقول...

canary
********
نعم فشر البليه مايضحك

نورتينى يافندم